У Брэсце адкрыўся завод «Вокс»

У мінулую пятніцу, 6 ліпеня, на тэрыторыі СЭЗ «Брэст» адбылося адкрыццё новага вытворча-складскога комплексу па выпуску вырабаў з ПВХ.

Для ЗТАА «Профілі ВОКС» гэта двайное свята. Дзесяць гадоў таму, 5 ліпеня 2002 года, прадпрыемства з польскім і расійскім капіталам было зарэгістравана ў якасці рэзідэнта Свабоднай эканамічнай зоны.

За адносна кароткі час кампанія стала ў Беларусі вядучым вытворцам вінілавага сайдынгу, падлогавага плінтуса і бясшвовых панэляў для ўнутранага аздаблення будынкаў. Колькасць працаўнікоў павялічылася з 25 чалавек у 2003 годзе да 284 — у 2012-м. Але да гэтага часу прадпрыемства заставалася «у гасцях» — на арандаваных плошчах ў Каціным Бары. І вось, нарэшце, доўгачаканае для калектыву падзея — завяршэнне будаўніцтва і адкрыццё вытворчасці на ўласных плошчах. У гэты праект было інвеставана больш за 20 млн даляраў.

Як падкрэсліў у час урачыстай цырымоніі з нагоды адкрыцця новага завода кіраўнік адміністрацыі СЭЗ «Брэст» Віктар Неўдах, прадпрыемства задае высокія стандарты якасці будматэрыялаў на рынках Беларусі, Расіі, Казахстана і Украіны.

Ён выказаў надзею, што гэта не апошняя бізнэс-ідэя расійскіх і польскіх заснавальнікаў прадпрыемства. Мяркуючы па іх настрою, так яно, хутчэй за ўсё, і будзе.

Польскі заснавальнік Гжэгаж Лучак падзяліўся сумневамі, без якіх не абышлося на пачатковым этапе праекта. «12 гадоў таму, — сказаў ён, — стала зразумела, што развіццё „ВОКСа“ немагчыма без будаўніцтва завода ва Усходняй Еўропе. Месца для яго размяшчэння падбіралі старанна: ці спрыяльнымі будуць у Беларусі ўмовы для развіцця бізнесу? Ці атрымаецца знайсці дастатковую колькасць работнікаў адпаведнай кваліфікацыі? Цяпер ужо відавочна, што мы зрабілі правільны выбар»

vb.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ