Правядзенне канцэрта ў Мінску, прысвечанага Дню Волі, пад пагрозай 2
Амаль усе сталічныя палацы культуры адмовілі сябрам аргкамітэта акцыі ў магчымасці правесці ў іх памяшканні святочную імпрэзу.
Удзел у мерапрыемстве павінны былі ўзяць прадстаўнікі Рады беларускай інтэлігенцыі, сябры дэмакратычных партый і рухаў, творчыя калектывы, а таксама грамадзяне Беларусі, што святкуюць нацыянальнае свята.
Па словах сябра аргкамітэта 25-га Сакавіка Аляксея Янукевіча, заяўкі былі адасланыя ў пяць найбольшых мінскіх залаў. У выніку адмоўныя адказы заяўнікам прыйшлі з Палаца рэспублікі, Палаца ветэранаў, Палаца культуры МАЗ і ПК «Матрыца».
Апошнім у спісе значыцца Палац культуры Мінскага трактарнага завода, аднак, па словах Янукевіча, хутчэй за ўсё і там адказ дэмакратам будзе адмоўны.