— Я ўчора 4 гадзіны стаяў у чарзе, каб паставіць машыну ў крыты падземны паркінг гандлёвага цэнтра «Сталіца». Атрымалася! Інакш сёння з раніцы ў мінус 27 дакладна б не завёўся, — кажа кіроўца Андрэй.
Няўжо ўсе чатыры гадзіны?! Звычайна прыязджаеш у «Сталіцу», і месцаў на паркінгу безліч — паркуйся хоць па дыяганалі: у гэты гандлёвы цэнтр за два крокі ад метро звычайна мала хто ездзіць на машыне. Рэдактар даў заданне: паспрабуйце загнаць машыну на паркінг. Паехалі. Але ўехаць на паркінг было проста нерэальна. Учора ў 11 раніцы на ўездзе ў паркінг «Сталіца» стаяла чарга з дваццаці машын. Прычым амаль адны дызелі.
— Стаю ўжо хвілін 20, — кажа кіроўца «Мерсэдэса», якога буксіраваў на тросе мікрааўтобус. — Учора ўвечары гадзіны паўтары прастаяў. Але не дарма — з раніцы без праблем завёўся. Але ў горадзе потым заглух. Паліва на такім марозе ў жэле ператвараецца. Забіраць машыну буду, калі маразы моцныя спадуць. Прыеду, газы плюхну — і нармальна.
— А я на
Як кажа супрацоўнік падземнага паркінга «Сталіца», ажыятаж пачаўся акурат з прыходам моцных маразоў.
— Гісторыя паўтараецца з года ў год. Справа ў тым, што гэта адзіны крыты паркінг у сталіцы. Тэмпература ўнутры каля +10 градусаў. Вось кіроўцы і пакідаюць свае аўто не на начным марозе, а ў цёплым памяшканні.
Колькі каштуе паставіць машыну ў крыты паркінг?
Гадзіна — 8 тысяч
Два гадзіны — 10 тысяч
Тры гадзіны — 12 тысяч
Кожная наступная гадзіна — 1 тысяча
Суткі — 33 тысячы
Другія суткі — 24 тысячы
Абанемент на месяц — 250 тысяч рублёў
На ўвесь горад — 250машына-месцаў у цёплым паркінгу
Адзіны крыты паркінг у сталіцы складаецца з чатырох узроўняў. Другі і трэці ўзроўні аддадзеныя пад абанементы. Першы і чацвёрты ўзроўні — для наведнікаў гандлёвага цэнтра і тых, хто не знайшоў месца на наземнай паркоўцы ў цэнтры горада. Усяго паркінг змяшчае крыху больш за 500 машын. Гэта значыць, каля 250 аўтамабілістаў маюць рэальны шанец паставіць сваіх жалезных коней у цёплае месца.