Удзел насельніцтва ва ўборцы снегу павінна быць больш актыўным. Аб гэтым заявіў старшыня Мінгарвыканкама Мікалай Ладуцька на аператыўнай нарадзе ў мэрыі, перадае карэспандэнт БЕЛТА.
Мэр сталіцы перакананы, што расчыстка тэрыторыі горада ад снегу — агульная справа і насельніцтва павінна ўносіць свой уклад разам з камунальнымі службамі. Між тым
ён канстатаваў, што ў мінулыя выходныя людзі не праявілі актыўнасці.«Людзі не выйшлі ў выходныя дні, не расчысцілі тэрыторыю каля сваіх машын, у дварах. Роля і месца насельніцтва ва ўборцы снегу павінны быць абазначаныя», — сказаў Мікалай Ладуцька.
На думку старшыні Мінгарвыканкама, правесці своеасаблівыя суботнікі па навядзенні парадку на сваёй тэрыторыі павінны ўсе суб’екты гаспадарання, а таксама студэнты ВНУ, якія пакуль належнага энтузіязму не праявілі.«Кіраўнікі аб’ектаў гандлю, грамадскага харчавання, аўтастаянак, дзяржустаноў не забяспечылі ў поўнай меры расчыстку сваіх тэрыторый.
Парковачныя месцы каля крам, рэстаранаў не ачышчаны. Усе упаўнаважаныя ад гэтых арганізацый, за якімі замацавана тэрыторыя, калі не выканаюць патрабаванне выканкама па ўтрыманні сталіцы ў належным выглядзе, павінны быць прыцягнуты да адказнасці і аштрафаваныя«, — распарадзіўся мэр Мінска. Ён падкрэсліў, што ў мінулыя выходныя дні такую працу можна было арганізаваць. Мікалай Ладуцька даручыў кіраўнікам адміністрацый раёнаў горада ўзяць на кантроль пытанні прыцягнення да ўборцы снегу супрацоўнікаў устаноў, арганізацый і прадпрыемстваў, студэнтаў ВНУ на замацаваных тэрыторыях.
Даўшы разгон жыхарам Мінска, сябе Ладуцька пахваліў.Ацэньваючы якасць уборкі снегу ў Мінску за мінулыя выхадныя, ён адзначыў, што галоўная задача выканана. «Праезд транспарту забяспечаны, транспартныя артэрыі працавалі ў паўнавартасным рэжыме, ніякіх затрымак ў руху грамадскага транспарту не дапушчана», — сказаў старшыня Мінгарвыканкама.
Ён таксама звярнуў увагу на расчыстку ад снегу і ледзяшоў скатных дахаў.Для гэтага ён распарадзіўся акумуляваць на працах усю наяўную ў горадзе тэхніку і арганізаваць дадатковыя брыгады. «Неабходна выдаць прадпісанні уладальнікам будынкаў са скатных дахаў. За тыдзень стрэхі ад ледзяшоў і снегу павінны быць расчышчаны», — даручыў мэр сталіцы.
0
0
0
0
0
0
