Жыроўкі — 35%, аплата транспарту — 85% 3

У 2012 годзе ў Беларусі будзе працягвацца аптымізацыя бюджэтных расходаў у ЖКГ і на транспарце, паведаміў 20 снежня ў Савеце Рэспублікі першы намеснік міністра фінансаў Уладзімір Амарын.

«Адпаведныя бюджэтныя асігнаванні вызначаны з таго, што ўзровень кампенсацыі тарыфаў на паслугі ЖКГ для насельніцтва да канца 2012 года павінен скласці не менш як 35%, а транспарту — не менш як 85%, — сказаў Амарын. — Гэта дазволіць забяспечыць паэтапнае выкананне параметраў па выхадзе да 2015 года на 60-працэнтны ўзровень кампенсацыі насельніцтвам затрат па ЖКГ, прадугледжаны праграмай сацыяльна-эканамічнага развіцця на пяцігодку, а таксама 100-працэнтнае пакрыццё насельніцтвам затрат па паслугах пасажырскага транспарту агульнага карыстання».

Як зазначыў першы намеснік міністра фінансаў, з улікам рэалізацыі гэтых падыходаў на субсідаванне паслуг ЖКГ у 2012 годзе запланавана выдзяленне 4,6 трлн. рублёў (рост у параўнанні з 2011 годам — 1,5 разу). Доля бюджэтнага субсідавання ў гэтых затратах скароціцца з 59 да 51%.

Вячаслаў Будкевіч, БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ