У Брэсце затрыманы каардынатар аргкамітэта па стварэнні партыі «Беларуская хрысціянская дэмакратыя» па Брэсцкай вобласці Дзмітрый Шурхай.
«Паводле наяўных у мяне звестак, Шурхая затрымалі раніцай 28 чэрвеня і даставілі ў Маскоўскі РАУС Брэста. Там у дачыненні да яго быў складзены адміністрацыйны пратакол за дробнае хуліганства, — паведаміў БелаПАН праваабаронца Раман Кісляк. — Паводле папярэдняй інфармацыі, 29 чэрвеня ў судзе Маскоўскага раёна Брэста будуць разгледжаныя матэрыялы адміністрацыйнай справы затрыманага актывіста».
Паводле слоў праваабаронца,
мабільны тэлефон Шурхая адключаны.
Як паведамлялася, 24 чэрвеня Дзмітрыю Шурхаю і яшчэ аднаму брэсцкаму актывісту БХД — Алесю Змагару тэлефанавалі з пракуратуры. «Да мяне дазваніцца не змаглі, таму звязаліся з адным з маіх сяброў, папрасілі, каб я перазваніў, і паведамілі, што мяне выклікаюць у пракуратуру для размовы наконт маёй дзейнасці ў сацыяльных
Паводле яго слоў, 15 чэрвеня ў Брэсце на галоўнай плошчы горада сабралася каля 300 чалавек. 22 чэрвеня ў маўклівай акцыі пратэсту, што выразілася ў гадзіннай прагулцы па Брэсту, узялі ўдзел не менш чым 600 чалавек.
15 чэрвеня супрацоўнікі міліцыі затрымалі 10 чалавек, 22 чэрвеня — 12. Усе былі адпушчаныя з міліцыі без складання пратаколаў. Абодва разы сярод затрыманых быў Дзмітрый Шурхай.
***
Дзмітрыю Шурхаю далі сем сутак адміністрацыйнага арышту
