Генпракуратура не супраць таго, каб выпусцілі Ірыну Халіп 18

Калі кіраўнік следчай групы будзе ініцыяваць змену меры стрымання Ірыне Халіп на падпіску аб нявыездзе, то Генеральная пракуратура безумоўна гэта падтрымае,

заявіў 27 студзеня на прэс-канферэнцыі генеральны пракурор Рыгор Васілевіч.

Паводле яго слоў, пытанне аб магчымасці змены меры стрымання Ірыне Халіп на прэс-канферэнцыі ўзнікла ў сувязі з тым,

што трохгадовы Данііл Саннікаў зараз не можа сустракацца ні з бацькам, ні з маці.

Жонка экс-кандыдата ў прэзідэнты Андрэя Саннікава, як і ён сам, знаходзіцца ў СІЗА КДБ і з’яўляецца адной з абвінавачваных па справе аб масавых беспарадках у Мінску 19 снежня.

Справа расследуецца ў следчым упраўленні папярэдняга расследавання ГУУС Мінгарвыканкама. У следчую групу ўваходзяць супрацоўнікі МУС і КДБ.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ