Дацэнта кафедры фізвыхавання, заслужанага трэнера Беларусі, старшыню федэрацыікаратэ-шотакан Андрэя Вількіна звольнілі з БНТУ за ўдзел у маніфестацыі апазіцыі 19 снежня ў Мінску.
Адміністрацыя БНТУ вымусіла Андрэя Якаўлевіча напісаць заяву аб звальненні «па згодзе бакоў».
Андрэй Вількін быў арыштаваны 19 снежня і адседзеў 15 сутак у СІЗА Жодзіна. Там жа ён адсвяткаваў свой дзень нараджэння 31 снежня. Ягоная жонка, шматразовая чэмпіёнка свету па
Муж і жонка ўнеслі неацэнны ўклад у развіццё беларускага спорту. Як і большасць тых, хто прыйшоў 19 снежня на Плошчу, апазіцыйнай дзейнасцю не займаліся, а хацелі выказаць грамадзянскую пазіцыю.
Вількіну не дапамагло тое, што жонка пасля выхаду з турмы і асуджэння да штрафу апублікавала ў «Советской Белоруссіі» прыніжаную заяву: маўляў, мы не ўдзельнічалі ў дэманстрацыі, а проста пабачылі сына і далучыліся да яго.
Такая яна, рэальнасць дыктатуры.
Можна быць пэўным, што Вількін без працы не застанецца. Яго возьме кожная прыватная школа каратэ. І пасля непазбежных нерваў, што суправаджаюць звальненне, ягонае жыццё наладзіцца на новых рэйках.
