Незадоўга да ўдару ў Белгарадзе трэці раз за ноч была абвешчаная трывога («ракетная небяспека»). Пра наступствы ўдару мясцовыя ўлады і расійскія вайскоўцы пакуль нічога не паведамлялі, піша Бі-бі-сі.
Расійскія крыніцы паведамляюць, што ў выніку адбіцця ракетнага ўдару ўкраінскай арміі ў горадзе параненыя некалькі чалавек.
Тэлеграм-канал Baza піша, не спасылаючыся на якія-небудзь крыніцы, што ў Белгарадзе пацярпелі як мінімум шэсць чалавек, у тым ліку 10-гадовая дзяўчынка, якая, знаходзячыся ў кватэры ў паўднёвай частцы горада, атрымала асколачнае раненне нагі.
Пацярпелыя, па звестках Baza, дастаўлены ў бальніцы.
Іншыя расійскія крыніцы пішуць — пакуль без спасылак і пацверджанняў — пра дзесяць параненых.
Удар па Белгарадзе быў нанесены а пятай раніцы па мясцовым часе.
У горадзе загарэліся некалькі аўтамабіляў, у некалькіх дамах выбітае шкло. Як мяркуецца, гэта наступствы падзення частак збітых ракет і ракет-перахопнікаў.
Чытайце таксама:
У расійскім Белгарадзе «адбыўся выбух», пацярпелі 5 чалавек
Губернатар Белгарадскай вобласці заявіў, што з пачатку вайны загінулі 120 мірных жыхароў
