Міліцыянты спынілі незвычайны картэж. Ад удзельнікаў паездкі ішоў пах алкаголю, стан ап'янення пацвердзіў медыцынскі агляд. Матацыклам кіраваў 17-гадовы падлетак-бяспраўнік, які перавозіў у санках і цюбінгу сваю маці і знаёмага — уладальніка матацыкла.
Напярэдадні кампанія рабіла рамонт, адначасна піла. Незвычайную канструкцыю для перамяшчэння зрабілі, каб дабрацца дадому.
На ўдзельнікаў «пакатушак» складзены шэраг адміністрацыйных пратаколаў.
У міліцыі зазначаюць, што катанне на цюбінгах, санках і іншых спартыўных снарадах дапускаецца толькі ў спецыяльна абсталяваных месцах. І катэгарычна забаронена іх буксіраваць транспартнымі сродкамі.
Чытайце таксама:
З пачатку зімы ўжо больш за 200 дзяцей атрымалі траўмы падчас катання з горак
У Лагойску 8-гадовы хлопчык атрымаў цяжкія траўмы галавы пры катанні на цюбінгу
У Гродне шасцігадовая дзяўчынка атрымала сур'ёзныя траўмы, катаючыся на цюбінгу