Адкрыццё выставы. Фота: Сяргей Ждановіч / mastatstva / Facebook
На спыненай выставе прадстаўлены жывапіс, графіка, скульптура, шкло, кераміка, метал, фатаграфія, арт-аб’екты. У праекце прымаюць удзел сябры Беларускага саюза мастакоў з Мінска і ўсіх рэгіёнаў Беларусі, дызайнеры, творчая моладзь, усе зацікаўленыя тэмай творцы.
«Чорны квадрат» — гэта візуальнае выказванне К. Малевіча, намёк сучаснікам мастакам і інтэлектуальнай публіцы, што рэалізм у мастацтве паняцце не адназначнае і ўтрымлівае ў сабе невычэрпныя магчымасці і асацыятыўныя кампазіцыйна-вобразныя рашэнні. Квадрат — гэта ўсяго толькі знак, сімвал руху ў прастору новых рэальнасцяў у мастацтве», — напісана ў анонсе выставы.
На думку арганізатараў, выставачны праект спрабуе прасачыць сённяшнюю «лінію жыцця» «Чорнага квадрата» — на ўзроўні ідэі, формы, знака, матыву, сімвалічнага прадмета.
«Галоўнае ў выставе — нават не тэма, зададзеная куратарамі, а сам дух наватарства ў творчасці, які працягвае ідэі Казіміра Малевіча», — пісалі яны.
Ці працягне працу выстава з «духам наватарства», пакуль невядома.
Чытайце таксама:
Выставу да юбілею Быкава згортваюць праз 10 дзён пасля адкрыцця
