Раман Пратасевіч. Фота: БелТА
У новай рэдакцыі «Пераліку грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці», Пратасевіча няма, заўважыла «Вясна». Дадалі яго ў спіс з пазнакай «судзімасць не пагашана» два месяцы таму.
Тады разам з ім у спіс дадалі Сцяпана Пуцілу і Яна Рудзіка, якіх судзілі завочна разам з Пратасевічам. У мінулым маі суддзя Вячаслаў Тулейка прысудзіў Сцяпану — 20 гадоў, Яну — 19 гадоў, Раману — 8 гадоў.
Сцяпан Пуціла і Ян Рудзік у спісе МУС засталіся.
Пратасевіч быў асуджаны 3 мая 2023-га на 8 гадоў калоніі ўзмоцненага рэжыму па справе Nexta, але яго пакінулі пад хатнім арыштам да моманту ўступлення прысуду ў сілу. 16 мая яго памілавалі. Праз камісію па вяртанні ў Беларусь прыехала маці Пратасевіча, якая жыла ў Польшчы.
Чытайце таксама:
Сёння апошні дзень працы камісіі па вяртанні. Чым сканчаліся гісторыі тых, хто звяртаўся туды
