У Канадзе расіянцы адмовілі ў грамадзянстве, бо ў РФ на яе заведзена крымінальная справа аб «фэйках» аб арміі 6

Фота са старонкі Марыі Карташовай

У Канадзе расіянцы адмовілі ў грамадзянстве з-за таго, што ў РФ на яе заведзена крымінальная справа аб «фэйках» аб арміі. Пра гэта Марыя Карташова расказала на сваёй старонцы ў Facebook, паведамляе тэлеканал «Дождь».

Па словах Карташовай, Канада можа адхіліць яе заяву на атрыманне грамадзянства, бо ў Расіі дзяўчыну прысудзілі да 8 гадоў турэмнага зняволення за пасты ў сацсетках аб забойстве мірных жыхароў у Бучы.

«Гэтым летам я мусіла стаць грамадзянкай Канады, чаго я вельмі доўга чакала. Канада — мой новы дом. Я жыву тут амаль 5 год. <…> Аднак мая цырымонія [атрымання грамадзянства] была адменена, паколькі аказалася, што ніхто ў IRCC не прачытаў майго ліста аб пераследзе, якому я падвяргаюся ў Расіі», — напісала яна.

Крымінальную справу Марыі аб «фэйках» пра армію палічылі аналагічнай канадскаму закону 1985 года, які забараняе распаўсюджваць дэзынфармацыю з мэтай нанясення шкоды каму-небудзь.

Чытайце таксама:

Польскія памежнікі анулявалі беларусу візу і абавязалі вярнуцца на радзіму

Аператару Ціханоўскага адмовілі ў палітычным прытулку ў Швецыі. Ён баіцца, што яго дэпартуюць у Беларусь

Сям’ю ўцекачоў з Беларусі ўлады Літвы вывезлі ў Польшчу. Чаму так адбылося

Nashaniva.com