Якім бачыцца рашэнне гэтай праблемы ў дэпутата Еўрапарламента ад Літвы Пятраса Аўштравічуса, пацікавіўся «Голас Амерыкі».
«Я ўпэўнены, што з юрыдычнага пункту гледжання і ўсіх іншых фактараў, якія вядуць да прызнання таго ці іншага пашпарта, адсутнічае шмат розных складнікаў, у тым ліку — суверэнітэт і тэрытарыяльнасць гэтага дакумента», — лічыць літоўскі палітык.
Ён тлумачыць, што, калі асобная краіна Захаду захоча прызнаць такі пашпарт, яна павінна будзе ўлічыць многія аспекты, якія на гэты момант не прапрацаваныя.
«Сама ідэя мне вельмі падабаецца, і я хацеў бы прызнаць гэты пашпарт яшчэ ўчора.
Але так як няма выразнага адказу наконт яго суверэнітэту, вельмі цяжка ўявіць, што ў хуткім часе можна спадзявацца на прызнанне такога пашпарта. Я сам гаварыў з дыпламатамі, з кіраўнікамі апазіцыйнага руху і думаю, што трэба ісці па больш практычным шляху — выдачы дакументаў для просьбітаў палітычнага прытулку», — падкрэслівае спадар Аўштравічус.
Ён таксама заклікае беларусаў больш канкрэтна прызнаць наступную рэальнасць: «Многія, асабліва на прыкладзе дакументаў, якія вяртаюцца ў Беларусь для аднаўлення, яшчэ не разумеюць, у якую рызыкоўную сітуацыю яны сябе ставяць. Яны рызыкуюць сваім жыццём, сваім здароўем і сваёй будучыняй. Гэта ж таталітарны рэжым — сачэнне за ўсімі ідзе кругласутачна, таму такія рызыкоўныя паводзіны не павінны працягвацца».
Па словах еўрадэпутата, беларусы таксама павінны прызнаць, што гэтая праблема доўгатэрміновая, стратэгічна небяспечная для іншадумцаў і для ўсіх, хто мае ўласнае меркаванне.
«А нам на Захадзе трэба выдаваць дакументы бежанцаў, і гэта найбольш кароткатэрміновае вырашэнне праблемы, якая несумненна існуе.
Са сканчэннем дзеяння пасведчання асобы ўзнікаюць цалкам канкрэтныя праблемы, але я ўпэўнены, што многія краіны гатовыя іх вырашаць вельмі практычна», — падсумаваў Пятрас Аўштравічус.
Чытайце таксама:
Польшча на паўгода працягнула выдачу беларусам праязнога дакумента на спрошчаных умовах
У МУС адказалі, ці будуць пазбаўляць грамадзянства беларусаў, у якіх ёсць дакументы іншых дзяржаў
Цяпер проста зашмат расейскай ФСБэшнай агентуры і лабістаў у краінах ЕЗ, якія блакуюць такія рашэнні і ўсю працу па гэтым накірунку.
Калі хтосьці ня бачыць, то Беларусь наўпрост зліваюць у Расею ўжо 30 гадоў, а пачынаючы з 2020 яшчэ мацней. І робіць гэта ў першую чаргу Нямеччына са сваімі сатэлітамі і Газпрамаўскім лобі.
Некаторым увогуле нашая краіна як экзістэнцыяльная пагроза -- гэта я кажу пра летуву. У вочы гавораць пра свабоду і дэмакратыю, а за сьпінамі дэпартуюць і трасуцца за "ліцьвінства". Рэжым Лукашэнкі для іх ідэальны.
Украінцы таксама ў першую чаргу за сябе змагаюцца, з Лукашэнкам ужо проста дамовіліся, а Каліноўцы няхай ваююць, усё роўна ніхто ня пусціць іх нікуды. Але тут пытанняў ня маю, гэта зразумела, яны ня могуць рызыкаваць у такой вайне.
Адзіныя хто ўвесь гэты час рэальна дапамагае -- гэта Польшча. Дзякуй ім вялікі за гэта.
Таму надзея толькі зьмены знутры, трэба гэта ўсьвядоміць.