3 студзеня прыкладна ў 18:30 перастаў адкрывацца карыстальнікам з тэрыторыі Беларусі рэгіянальны інфармацыйны сайт «Першы Пінскі», які зранку яшчэ быў дасяжны чытачам. Як стала вядома БАЖ, адпаведны загад на блакіроўку інтэрнэт-рэсурсу даў міністр інфармацыі Беларусі Уладзімір Пярцоў.
Раней інфармацыйная прадукцыя сайта «Першы Пінскі» была прызнаная «экстрэмісцкімі матэрыяламі» рашэннем суда Пінскага раёна і горада Пінска ад 21 снежня 2023 года.
Са спасылкай на згаданае судовае рашэнне міністр інфармацыі Уладзімір Пярцоў 29 снежня 2023 года падпісаў патрабаванне абмежаваць доступ да інтэрнэт-рэсурсу з ідэнтыфікатарам www.1pinsk.by.
"Першы пінскі" - і ні слова па-беларуску. Усё на расейшчыне. Гэта, вядома, "для расшырэнія аудзіторыі", каб зацікавіць жыхароў Масквы ці Волагды. Ну і каб ўнутры краіны падабацца рэжымным сабакам. Але, як бачым, гэта не працуе.
Не шкада абсалютна.
Каб пакінуць каментар, калі ласка, актывуйце JavaScript у наладах свайго браўзеру