Дырэктар Бярозаўскага мясакансервавага камбіната Уладзімір Жуковіч. Фота: produkt.by

Дырэктар Бярозаўскага мясакансервавага камбіната Уладзімір Жуковіч. Фота: produkt.by

Як стала вядома «Нашай Ніве», днямі быў затрыманы Уладзімір Жуковіч.

Бярозаўскі мясакансервавы камбінат — самае вялікае ў краіне прадпрыемства па перапрацоўцы мяса. Яму падпарадкаваны некалькі прадпрыемстваў у Брэсцкай вобласці, у тым ліку — Баранавіцкі мясакамбінат. 

Філеі, бастурма, каўбасы гэтага завода знаходзяцца нават у тых абласцях, дзе ёсць свае перапрацоўшчыкі. Гэты ж камбінат — лідар у пастаўках перапрацаванага мяса ў Расію. 

Дырэктарам там ужо больш за дзесяць гадоў быў Уладзімір Жуковіч. Пры ім на прадпрыемстве прайшлі хвалі тэхнічных мадэрнізацый на дзясяткі мільёнаў даляраў. Супрацоўнікі Жуковіча характарызуюць як талковага кіраўніка з вялікай экспертызай у сваёй сферы. 

Але, як паведамляюць нам супрацоўнікі камбіната, днямі Жуковіч быў затрыманы. Па нашай інфармацыі, затрыманне звязана з хабарам ад дылера прадукцыі завода і адбылося не ў рамках разгорнутай КДБ «малочнай справы». 

Чытайце таксама:

«Адным з першых яго ўказанняў стала ўстаноўка відэакамер». КДБ расказаў больш пра арышт дырэктара «Бабушкиной крынки»

26 чалавек затрыманыя. Лукашэнка распавёў пра «малочную справу»

Клас
43
Панылы сорам
36
Ха-ха
27
Ого
28
Сумна
36
Абуральна
64