Сяргей Антусевіч на волі. Фота распаўсюджваецца ў сацыяльных сетках
Сяргея Антусевіча вызвалілі з магілёўскай калоніі №15. Ён быў адным з фігурантаў справы кіраўнікоў Беларускага кангрэса дэмакратычных прафсаюзаў.
Актывіста схапіў КДБ 19 красавіка 2022 года. Пра зняволенне яму дазволілі паведаміць жонцы па тэлефоне і сказаць, што ён у СІЗА КДБ.
26 снежня 2022 года Мінскі гарадскі суд адправіў Антусевіча на 2 гады ў калонію агульнага рэжыму за «групавыя дзеянні, якія груба парушаюць грамадскі парадак».
21 красавіка 2023 года яго ўнеслі ў «спіс экстрэмістаў».
Разам з Антусевічам асудзілі старшыню Беларускага Кангрэсу дэмакратычных прафсаюзаў Аляксандра Ярашука, якога пакаралі на 4 гады калоніі агульнага рэжыму, а таксама бухгалтарку офіса БКДП Ірыну Бут-Гусаім. Яе адправілі за краты на год і шэсць месяцаў.
Усе фігуранты справы праваабарончай супольнасцю былі прызнаныя палітвязнямі.
Масавыя палітычныя рэпрэсіі ў Беларусі працягваюцца з 2020 года. З 2022 года, пасля нападу Расіі на Украіну, беларусаў пачалі пераследаваць і за антываенныя выказванні або сімпатыі да Украіны.
За гэты час у краіне адбылося не менш за 50 тысяч палітычна матываваных затрыманняў, заведзена не менш за 12 тысяч палітычна-крымінальных спраў і адкінутыя базавыя нормы законнасці і маралі.
Рэжым Лукашэнкі ліквідаваў усе незалежныя прафсаюзы. Іх лідары ў няволі.
«Наша Нiва» — крыніца якаснай інфармацыі і бастыён беларушчыны
ПАДТРЫМАЦЬ «НН»Глядзіце таксама:
Прафсаюзы свету заклікалі ўвесці поўную эканамічную блакаду лукашэнкаўскага рэжыму
Вынесены жорсткія прысуды актывістам незалежных прафсаюзаў
«Фядыніч нармальна, а вось у Арэшкі праблемы» — невясёлыя навіны ад палітзняволеных прафлідараў