Чыноўнік у эфіры СТБ адзначыў, што малочная галіна асабліва не адчула ўплыву санкцый. Прыярытэтным рынкам для рэалізацыі мяса-малочнай прадукцыі застаецца расійскі, але ёсць пастаўкі і ў Кітай, і на Кубу. Там цікавяцца беларускімі сырамі, маслам, сухім малаком.
Міністр сельскай гаспадаркі і харчавання Сяргей Барташ. Скрын відэа СТБ
«Вось нядаўна была дэлегацыя з Экватарыяльнай Гвінеі. Дык яны, калі каштавалі нашу смятану, былі проста зачараваныя. Яны проста не ўяўлялі, што такі смачны можа быць прадукт», — пахваліўся міністр.
Ён дадаў, што на Кубе плануюць адкрыць лінейку па вытворчасці і перапрацоўцы прадукцыі сухога малака.
«Экватарыяльная Гвінея хоча і перапрацоўваць нашу прадукцыю, і атрымліваць натуральнамалочную. Яны самалётамі дастаўляюць з Еўрасаюза. А мы ведаем, якія цэны на еўрапейскім малочным рынку і якія — у нас», — сказаў Барташ.
