Анджэй Дуда падчас выступлення на парадзе. Фота: AP Photo / Czarek Sokolowski
Палітык адзначыў, што на працягу ўсёй гісторыі Польшчы яе межы «падвяргаліся нападам, і польскія жаўнеры пралівалі кроў, абараняючы іх, таму мы добра ведаем, што абарона межаў — гэта адна з абсалютных асноў незалежнасці».
Пасля перакідкі ў Беларусь наймітаў расійскай ПВК «Вагнер» Польшча заявіла пра намер умацаваць межы, а менавіта Сувалскі калідор і «Брэсцкую браму», якія з'яўляюцца «адчувальнымі пунктамі».
Вось і сёння Дуда заявіў:
«Усе ў Польшчы мусяць зразумець, што ўвесь час супраць нас робяцца і будуць рабіцца розныя правакацыі. Такі цяпер час, таму мы мусім быць у пастаяннай гатоўнасці».
Пры гэтым польскі прэзідэнт падкрэсліў, што пытанні бяспекі дзяржавы не мусяць быць прадметам палітычных спрэчак:
«Заклікаю ўсіх палітыкаў да адказнасці. Не паддавайцеся на правакацыі, не давайце сабой маніпуляваць. Бяспека Польшчы — найважнейшая справа. Абавязак палітыкаў — клапаціцца пра бяспеку Польшчы, палякаў і полек».
Чытайце таксама:
