Пункт пропуску «Брэст — Тарэспаль». Фота: тэлеграм-канал «Варшавка Граница Брест — Тересполь»
Да гэтага тыдня чэргі з 250-350 машын на выезд з Беларусі ў пункце пропуску «Брэст» былі звычайнай справай. Праз гэта на мяжы нават актывізаваўся новы від бізнэсу, калі людзі за пэўную ўзнагароду прапанавалі пастаяць за вас у чарзе. Яны маглі рабіць гэта як на вашым аўто, так і на сваім.
Але на гэтым тыдні сітуацыя змянілася. Чэргі сталі невялікімі, а ў нейкія гадзіны цалкам адсутнічаюць.
Знікненне велізарных чэргаў выклікала здзіўленне ў аматараў паездак у Польшчу. Гэтую тэму актыўна абмяркоўваюць і карыстальнікі адмысловых тэлеграм-чатаў. Падарожнікі дзеляцца здымкамі і інфармацыяй, што на мяжы пуста ці амаль пуста.
Фота: скрыншот з тэлеграм-канала «Варшавка Граница Брест — Тересполь»
Людзі агучваюць дзве асноўныя прычыны, чаму так адбываецца. Спойлер: гэта не больш хуткая праца польскіх і беларускіх памежнікаў і мытнікаў.
Асноўная версія — польскі бок апошнім часам узмацніў кантроль за перавозкай цыгарэт з Беларусі. Праз гэта, на думку карыстальнікаў чатаў, на мяжы зніклі цыгарэтныя кантрабандысты.
Фота: скрыншот з тэлеграм-канала «Варшавка Граница Брест — Тересполь»
Другая версія — умацаванне польскай валюты. Калі ў першы дзень лета за 1 даляр давалі 4,2 злотага, то цяпер толькі 4. Гэта робіць паездкі па закупы менш выгаднымі.
З другога боку, умацаванне злотага да даляра і еўра, наадварот, павялічвае прыбытак ад кантрабанды паліва і цыгарэт. Але, як паказвае статыстыка чэргаў на мяжы, ахвотных падзарабіць на кантрабандзе болей не стала. Таму цалкам імаверна, што значнае змяншэнне чэргаў адбываецца якраз праз больш пільную ўвагу польскага боку да ўвозу цыгарэт з Беларусі.
Фота: скрыншот з сайта gpk.gov.by
Тым часам па стане на 18 гадзін 22 чэрвеня выезду з Беларусі ў Польшчу чакаюць усяго каля 10 легкавікоў. Для параўнання: тыдзень таму ў гэты час на мяжы было 345 легкавых аўто.
Страхоўкі для ўезду ў ЕС істотна падаражэлі, а набыць іх па-ранейшаму складана. Новыя цэны і нюансы
