Google дае свайму ШІ магчымасць ствараць і адладжваць код 4

Выява: vecteezy

Чат-бот ад Google пад назвай Bard — генератыўны ШІ, які супернічае з Bing AI ад Microsoft і, канешне, ChatGPT — цяпер можа дапамагчы вам у праграмаванні. Тэхналагічны гігант сказаў, што кадаванне было адным з галоўных запытаў карыстальнікаў, і цяпер кампанія дае Bard магчымасць ствараць, адладжваць і тлумачыць код.

Bard можа пісаць на 20 мовах праграмавання, уключаючы папулярныя C++, Java, JavaScript і Python. ШІ таксама мае інтэграцыю з іншымі прадуктамі Google і можа экспартаваць код у Colab — воблачнае асяроддзе кампаніі спецыяльна для Python, а таксама дапамагае карыстальнікам пісаць функцыі для табліц у Sheets.

Акрамя магчымасці генераваць код, Bard цяпер можа даваць тлумачэнні для фрагментаў кода. Гэта можа быць асабліва карысна, калі вы толькі пачалі вывучаць праграмаванне, таму што бот пакажа вам, чаму канкрэтны блок мае такі вынік. І да ўсяго гэтага Bard можа яшчэ і дапамагчы вам адладзіць код, які працуе не так, як вы хочаце.

Google дапускае, што на дадзены момант Bard можа выдаць няпоўны код альбо код, які «не дае чаканага выніку». Тэхналагічны гігант раіць спачатку пераправяраць адказы ШІ. Аднак улічваючы, што Bard можа адладжваць уласны вывад, калі вы выявіце памылку, то можна выказаць здагадку, што з часам бот будзе выдаваць усё больш надзейныя вынікі.

Bard дапамагае адладжваць паведамленні пра памылкі / Выява: Google

Калі карыстальнік знаходзіць памылку, ён можа проста ўвесці This code didn’t work, please fix it («Гэты код не спрацаваў, калі ласка, выпраў»). Вы можаце таксама папрасіць чат-бота аптымізаваць ваш код, зрабіўшы яго больш хуткім або эфектыўным.

Google адкрыў доступ да свайго чат-бота ў сакавіку, каб пэўна скласці канкурэнцыю генератыўным ШІ ад іншых кампаній. Так, Engaget адзначае, што ChatGPT таксама мае магчымасць пісаць і ўдасканальваць існуючы код на некалькіх мовах праграмавання, таму наданне гэтай магчымасці чат-боту Bard было, відаць, непазбежным. Google таксама пастаянна ўдасканальваў Bard рознымі спосабамі і раней выпускаў мадэрнізацыі на аснове новай моўнай мадэлі пад назвай PaLM. Некалькі дзён таму кампанія стварыла старонку «Эксперыментальныя абнаўленні», дзе кожны ахвочы можа ўбачыць усе змены, праз якія прайшоў Bard.

Чытайце таксама:

Штучны інтэлект: як Google плануе перахапіць лідарства ў гэтай галіне

Новая мабільная праграма ад Google дазволіць вам лёгка перадаваць файлы паміж ПК і Android

Першая краіна свету ўвяла забарону на выкарыстанне нейрасеткі ChatGPT

Nashaniva.com