ЗША пакуль не бачаць прыкмет перакідання ядзернай зброі ў Беларусь
Злучаныя Штаты на гэтым этапе не бачаць прыкмет перакідання Расіяй часткі сваёй тактычнай ядзернай зброі ў Беларусь, заявіў каардынатар па стратэгічных камунікацыях у Радзе нацыянальнай бяспекі Белага дома Джон Кірбі.
Джон Кірбі. Фота: AP/Susan Walsh
«Мы не бачылі ніякага перамяшчэння тактычнай ядзернай зброі або чагосьці падобнага з моманту гэтай аб'явы», — заявіў Кірбі.
«І мы, безумоўна, не бачылі ніякіх прыкмет таго, што спадар Пуцін прыняў нейкага роду рашэнне прымяніць зброю масавага знішчэння, тым больш ядзерную, ва Украіне», — дадаў прадстаўнік Белага дома.
Чытайце таксама:
Лукашэнка ў 2022-м: «Я не планую размяшчаць ядзерную зброю. Такога ніколі не было». Пуцін у 2023-м: «Аляксандр Рыгоравіч даўно прасіў размясціць ядзерную зброю»
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
