Вайна — крыж на дружбе. На граніцы Украіны, Расіі і Беларусі дэмантуюць «Тры сястры»
Адміністрацыя Чарнігаўскай вобласці па даручэнні кіраўніка АВА Вячаслава Чавуса падрыхтуе пакет дакументаў для зняцця з уліку ў якасці помніка мясцовага значэння памятнага знака ў Сянькоўцы, прысвечанага «дружбе народаў» Украіны, Расіі і Беларусі.
У мэтах выканання ўсіх працэдур, прадугледжаных заканадаўствам Украіны, дакументы перададуць у адпаведныя міністэрствы для зняцця помніка з уліку. Пасля гэтага яго можна дэмантаваць.
Помнік «Тры сястры» быў усталяваны ў 1975 годзе.
Раней беларуская прапаганда пісала, што нібыта мэр Чарнігава збіраецца выразаць украінскую частку помніка лазерам.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
