Хоць Арменія моцна залежыць ад Расіі ў плане бяспекі, Ерэван устрымаўся ад галасавання ў Генасамблеі ААН па пытанні асуджэння ўварвання Расіі ва Украіну. Для параўнання: Казахстан таксама ўстрымаўся, Беларусь галасавала супраць.
На выбарах 2021 года «Грамадзянская дамова» Пашыняна набрала 54% галасоў, прарасійскі «Альянс «Арменія» Качарана — 21%. Пратэсты гэтымі днямі застаюцца немаштабнымі, на іх выходзіць усяго некалькі тысяч чалавек.
Апора Арменіі на Расію захісталася, пасля таго як расійская вайсковая падтрымка выявілася слабейшай за турэцкую, у выніку чаго Азербайджан перамог армянскія сілы ў вайне 2020 года ў Нагорным Карабаху.
1
0
16
0
0
0
