У ЗША на федэральным узроўні прызналі лінчаванне асобным крымінальным злачынствам.
Адпаведны законапраект, ухвалены абедзвюма палатамі Кангрэса, падпісаў прэзідэнт ЗША Джо Байдэн. Дакумент прадугледжвае да 30 гадоў пазбаўлення волі за выпадкі лінчавання, у якіх ахвяра была сур'ёзна параненая ці загінула.
У апошнія дзесяцігоддзі больш за 200 спроб прызнаць лінчаванне асобным крымінальным злачынствам цярпелі няўдачу. Упершыню такі законапраект прадставіў у студзені 1900 года Джордж Генры Уайт, у той час — адзіны чарнаскуры кангрэсмен.
Лінчаваннем называюць забойства чалавека, які падазраецца ў злачынстве, без суда і следства, звычайна вулічным натоўпам і праз павешанне.
1
0
1
0
0
0
