Партрэт быў напісаны прыкладна ў 1480 годзе. Хто на ім намаляваны, невядома. Мяркуецца, што гэта прадстаўнік магутнага фларэнційскага сямейства Медычы. З XVIII стагоддзя карціна захоўвалася ў сям'і брытанскіх баронаў Н'юбара. У 1982 годзе яе купіў на аўкцыёне за 1,3 мільёна даляраў папярэдні ўладальнік — амерыканскі дэвелапер Шэлдан Салоў, піша meduza.io.
Кошт 92,2 мільёна даляраў — гэта новы рэкорд для работ Батычэлі, калі-небудзь прададзеных на аўкцыёнах. Папярэдні рэкорд быў у 2013 годзе, калі за карціну «Мадонна з немаўлём і юным Янам Хрысціцелем» заплацілі 10,4 мільёна даляраў.
Акрамя таго, палатно Батычэлі стала адным з самых дарагіх партрэтаў, калі-небудзь прададзеных, і самай дарагой працай старых майстроў з тых часоў, як у 2017 годзе карціну «Збаўца свету» Леанарда Да Вінчы купілі за 450 мільёнаў даляраў.
