Аляксандр Лукашэнка азнаёміўся з прапановамі па перапрацоўцы плана прымянення рэгіянальнай групоўкі войскаў Беларусі і Расіі. Іх прадставілі міністр абароны Віктар Хрэнін і начальнік Генеральнага штаба Узброеных сіл Аляксандр Вальфовіч, піша БелТА.
Пул першага
Лукашэнка нагадаў, што яшчэ раней былі дасягнутыя дамоўленасці аб тым, каб асучасніць, актуалізаваць план прымянення сумеснай групоўкі войскаў з улікам сітуацыі на заходніх межах і ў свеце наогул.
«Сёння я хацеў бы пачуць, што новага ў сувязі з перапрацаванымі дакументамі і што трэба будзе нам яшчэ зрабіць (калі неабходна), бо нагнятанне абстаноўкі ідзе. Як бы мы тут ні заяўлялі, як бы нас ні закалыхвалі і кіраўніцтва ЗША, а цяпер і кіраўніцтва NATO. Кажуць, апраўдваючыся, што не, гэта мы проста так трэніруемся. Але мы людзі ваенныя. Калі нават трэніруемся, то, значыць, для чагосьці. Таму нам супакойвацца нельга. Нават калі ў нас за спінай знаходзіцца сапраўды магутная армія, як кажуць, другая армія ў свеце, вельмі магутная. Але тым не менш нам супакойвацца нельга», — сказаў Лукашэнка.
