Мерапрыемства праходзіць у Палацы Незалежнасці, піша БелТА.
Яго ўдзельнікамі сталі вышэйшыя службовыя асобы, дэпутаты і сенатары, кіраўнікі і спецыялісты дзяржорганаў і арганізацый, прадстаўнікі мясцовай улады з кожнай з абласцей, работнікі адміністрацыі прэзідэнта, кіраўнікі дзяржаўных СМІ — амаль 300 чалавек.
Як заявіў кіраўнік дзяржавы, ён запрасіў іх на сустрэчу, каб азнаёміць з аператыўнай аналітычнай інфармацыяй, «якая дасць адказы на самыя вострыя пытанні сённяшняга дня і дапаможа лепш зарыентавацца ў палітычнай сітуацыі ўнутры і вакол Беларусі».
«Тое, што адбываецца сёння, не з'яўляецца чымсьці нечаканым ці новым для нас. Людзі старэйшыя памятаюць і не такое ў Беларусі, калі тысячы і тысячы людзей выходзілі ў 90-х на вуліцы, пераварочвалі машыны, палілі іх,
кідалі кактэйлі Молатава на першыя паверхі тады яшчэ не цяперашніх буцікаў і крамаў, а ў вокны да звычайных людзей.
Нібыта спантанная самаарганізацыя грамадства, выспяванне так званай рэвалюцыйнай сітуацыі, «нелегітымнасць выбараў» і да таго падобнае — усё гэта міфы. Іх спрэс разбівае глыбінны аналіз падзей, якія адбыліся задоўга да электаральнай кампаніі бягучага года», — сказаў Аляксандр Лукашэнка.
