Tut.by
Адвакаты прэтэндэнта на пасаду прэзідэнта Беларусі Віктара Бабарыкі, што знаходзіцца ў СІЗА КДБ, не маюць магчымасці сустрэцца з падабаронным з суботы 20 чэрвеня, паведаміў «Інтэрфаксу-Захад» адзін з абаронцаў Дзмітрый Лаеўскі.
«Па стане на гэты момант у мяне няма пацверджання, што сустрэча з маім падабаронным (Віктарам Бабарыкам) можа адбыцца. Ніякіх кантактаў у яго адвакатаў не было з суботы, 20 чэрвеня, калі ў маёй прысутнасці рабіліся працэсуальныя дзеянні ў СІЗА КДБ», — сказаў Лаеўскі.
Ён таксама канстатаваў, што ў яго няма наогул ніякай інфармацыі пра стан Бабарыкі. «У адвакатаў наогул няма ніякай інфармацыі пра свайго падабароннага. У інтэрнэце з'яўляюцца насцярожваючыя ўкіды…, гуляе ўсякая інфармацыя… Я б асабіста хацеў пераканацца, што гэтыя ўкіды не з'яўляюцца праўдай. Я ў гэтым практычна ўпэўнены, але, як адвакат, пераканацца павінен», — падкрэсліў Лаеўскі.
Ён таксама канстатаваў, што абарона Бабарыкі да гэтага часу не атрымала адказу ні на адну з шэрагу раней накіраваных у зацікаўленыя ведамствы скаргаў.
Акрамя таго, адвакат адзначыў, што адмовы ў сустрэчы з падабаронным «паступаюць у вуснай форме» пад падставай супрацьэпідэмічных мерапрыемстваў. Пры гэтым, паводле яго слоў, абарона затрыманага Бабарыка «гатова забяспечыць усе неабходныя сродкі засцярогі — выкарыстоўваць медыцынскія маскі, пальчаткі, антысептыкі і гэтак далей. Але сустрэча з падабаронным неабходная, каб выконваць патрабаванні закона».
