Цяпер у раёне кола вядуцца аднаўленчыя дарожныя працы. Пакуль што транспарт ходзіць па часовай схеме. Аднак ужо да канца гэтага тыдня для кіроўцаў могуць адбыцца істотныя змены, паведамляюць «Мінск-навіны».
Паводле ДАІ, з гэтага часу прынцып руху будзе захаваны на доўгія гады. У гэтыя выхадныя дні спецыялісты зоймуцца наладамі абсталявання ў раёне плошчы з тым, каб ужо з 15 чэрвеня рух транспарту пусціць па новай схеме.
Дык якім яно будзе?
— Ад праекціроўшчыкаў на ўзгадненне ў ДАІ паступалі прапановы разрэзаць кола, зрабіць на плошчы вялікае шырокае скрыжаванне, — расказвае намеснік начальніка УДАІ ГУУС Мінгарвыканкама Андрэй Зыранаў. — У выніку на падставе разлікаў і камп'ютэрнага мадэлявання прынята рашэнне пусціць рух па коле. За аснову праекціроўшчыкі прапанавалі ўзяць досвед пл. Бангалор з яе так званым турбакольцам. Рух там рэгулююць не толькі дарожныя знакі і разметка, але і светлафоры. Не лепшым варыянтам было б узводзіць тут двухузроўневую развязку, паколькі ў гэтым выпадку сітуацыя з прапускной здольнасцю і да таго загружанай вул. Нямігі пагоршылася б. Сёння аўтамабільная маса з пр. Дзяржынскага рухаецца праз вул. Нямігу, якая бліжэй да вул. Мяснікова звужаецца з трох да дзвюх палос. Адсюль заторы. Наша задача — зрабіць так, каб транспартная нагрузка на цэнтр горада зніжалася. Для гэтага стараемся перанакіраваць аўтамабільныя патокі.
