Прэм'ер-міністр Расіі Міхаіл Мішусцін заразіўся каранавірусам, паведамляюць расійскія СМІ.
Пра гэта сам Мішусцін паведаміў Уладзіміру Пуціну. Прэм'ер Расіі дадаў, што будзе выконваць самаізаляцыю ў сувязі з захворваннем. Урад будзе актыўна працаваць, сам Мішусцін таксама будзе на сувязі.
Выконваць абавязкі прэм'ер-міністра на час хваробы Мішусціна будзе першы віцэ-прэм'ер краіны Андрэй Белавусаў. Яго кандыдатуру прапанаваў сам Мішусцін, адзначыўшы, што ў яго адсутнасць урад будзе працягваць працу ў штатным рэжыме.
Наколькі цяжка працякае хвароба, Мішусцін не ўдакладніў.
0
0
0
0
0
0
