Кіраўнік Тэгеранскага цэнтра хуткай дапамогі заявіў, што целы загінулых цяжка апазнаць з-за высокай ступені пашкоджанняў. Цяпер ратавальнікі збіраюць целы людзей на плошчы каля двух гектараў, каб здаць судмедэкспертам, піша TSN
Афіцыйнае паведамленне ў іранскіх СМІ аб катастрофе рэйса авіякампаніі МАУ з Тэгерана ў Кіеў:
«Украінскі пасажырскі самалёт, які перавозіў 176 пасажыраў і экіпаж, разбіўся праз некалькі хвілін пасля вылету з міжнароднага аэрапорта імама Хамейні.
Боінг 737-800 Украінскай міжнароднай авіякампаніі вылецеў з міжнароднага аэрапорта імама Хамейні ў 6.12 раніцы па мясцовым часе і ўпаў праз восем хвілін.
Самалёт разбіўся пад Парандам, прыблізна за 60 кіламетраў на паўднёвы захад ад Тэгерана.
Як паведамляецца, тэхнічныя праблемы прывялі да аварыі.