Усё адбылося як звычайна — пасля ўжывання алкаголю.
55-гадовы мужчына жыў разам са сваёй 58-гадовай каханкай каля 15 гадоў. 7 гадоў таму яны пераехалі ў вёску ў Шумілінскім раёне.
29 снежня вяскоўцы адправіліся па пакупкі, сярод іншага, яны купілі шэсць пляшак віна. Як вярталіся назад, мужчына затрымаўся ў суседняй вёсцы, каб дапамагчы па гаспадарцы знаёмай.
Калі ён вярнуўся дадому, яго сужыцелька разам са сваім 34-гадовым сынам ужо выпілі дзве пляшкі. Жанчына закаціла сцэну рэўнасці і схапіла са стала нож. А затым нанесла ўдар мужчыну ў грудзі.
Паранены змог самастойна дайсці да ложка, але яму не сталі выклікаць хуткую, баючыся арышту. Жанчына з сынам апрацавалі рану і працягнулі выпіваць. Толькі раніцай яны зразумелі, што мужчына памёр. Праўда, іх гэта не засмуціла.
Маці з сынам адправіліся ў суседнюю вёску да знаёмай святкаваць далей. У навагоднюю ноч жанчына ўсё ж прызналася прыяцельцы ў забойстве. Чуткі пра гэта разышліся па вёсцы, і суседзі выклікалі міліцыю.
— Калі жанчыну затрымлівалі, яна была ў нецвярозым стане. Аб сваім мужу яна нават не ўзгадала. А вось яе сын, пабачыўшы міліцыянтаў, паспеў уцячы, — прыводзіць словы следчых газета «Герой працы».
Цяпер лёс забойцаў будзе вырашаць суд.
