«Белавія» вызначыла новыя напрамкі, на якія распаўсюджваюцца эксперыментальныя тарыфы.
Спіс акцыйных напрамкаў папоўнілі авіярэйсы ў Ніжні Ноўгарад, Калінінград, Парыж і Ларнаку. Кошт квіткоў складзе ў адзін бок 10 еўра плюс таксы і зборы, туды-назад — 20 еўра плюс таксы і зборы.
Атрымліваецца, што поўны кошт квітка з Мінска ў Парыж складае 34 еўра, у адваротны бок — 84 еўра.
Квіток у Ларнаку (Кіпр) каштуе 35 еўра, а назад — 53 еўра.
Час рэалізацыі білетаў — 10 студзеня з 9.00 да 23.59 па мінскім часе.
Перыяд падарожжа: з 11 студзеня па 10 лютага (дата вяртання па другім купоне). Акцыя дзейнічае пры куплі білетаў як з Мінска, так і ў Мінск.
Змена часу і даты вылету забаронена.
0
0
0
0
0
0