Фота з афіцыйнага твітара «Барселоны»
Матч сёмага тура чэмпіянату Іспаніі паміж «Барселонай» і «Лас-Пальмасам» завяршыўся хатняй перамогай каталонскага клуба з лікам 3:0. Сустрэча прайшла без гледачоў з-за рэферэндуму аб незалежнасці Каталоніі.
Для «Барселоны» гэтая перамога стала дзявятай запар у гэтым сезоне. Дубль у Месі, забіў таксама Бускетс.
«Барселона» рашуча асуджае тое, што адбывалася сёння ў розных частках Каталоніі, дзе грамадзянам не давалі магчымасць выказаць сваё меркаванне шляхам галасавання. У сувязі з гэтай пазаштатнай сітуацыяй кіраўніцтва «Барселоны» вырашыла правесці гульню з «Лас-Пальмасам» без гледачоў, бо кіраўніцтва Ла Лігі адмовілася перанесці сустрэчу на іншы дзень», — гаворыцца ў заяве каталонскага клуба.
0
0
0
0
0
0
