Тыдзень беларускай кухні пройдзе ў Мінску ў дзявяты раз з 7 па 13 сакавіка. Такая інфармацыя размешчана на сайце Мінгарвыканкама.
kamyanitsa.by
У кулінарнай акцыі возьмуць удзел 100 аб'ектаў грамадскага харчавання. Наведнікам прапануюць пяць страў нацыянальнай кухні: студзень з хрэнам, салянку шляхецкую, кручонікі са свініны з грачанай кашай і грыбамі, бліны з вясковай смажанінай, густы журавінавы кісель з бітымі вяршкамі.
Традыцыйна ва ўсіх 100 установах пералік страў, цэны, рэцэптуры і тэхналогія прыгатавання будуць аднолькавымі. Меню распрацавана пры ўдзеле шэф-кухараў кафэ і рэстаранаў беларускай нацыянальнай кухні.
0
0
0
0
0
0
