Беларускі спявак Зміцер Вайцюшкевіч апублікаваў на Soundcloud новы альбом «Наша песня». 12 трэкаў можна паслухаць бясплатна, набыць дыск можна на imbryk.by ці prastora.by.
У альбом увайшлі як добра знаёмыя песні ў свежым гучанні («Магутны Божа», «Сцяг», «Паланэз» Агінскага… Рэгі «Я нарадзіўся тут» проста не пазнаць, ёсць новыя радкі), так і новыя песні на вершы Някляева.
Некаторыя песні Вайцюшкевіч выконвае адзін, некаторыя — з цэлым хорам. Прадзюсарам альбома выступіў сам спявак, запіс вёўся на студыі «Куба» з 2010 па 2015 год.
На адну з песень, што ўвайшла ў альбом, «Жыве Беларусь» на словы Уладзіміра Някляева, Вайцюшкевіч збіраецца зняць «народны» кліп.
Трэк-ліст:
- Мой край: музыка Яўген Ціхановіч, словы Адам Русак;
- Я нарадзіўся тут: музыка і словы Лявон Вольскі;
- Я люблю бярозку: музыка Юрый Семяняка, словы Адам Русак;
- Красуня-вясна: музыка Зміцер Вайцюшкевіч, словы Уладзімір Някляеў;
- Сцяг: музыка Зміцер Вайцюшкевіч, словы Уладзімір Някляеў;
- Жыве Беларусь: музыка Зміцер Вайцюшкевіч, словы Уладзімір Някляеў;
- Муры: словы Яцэк Качмарскі (Jacek Kaczmarski) на аснове музыкі Люіса Ляха (Luis Llach);
- Лісоўшчыкам: музыка Зміцер Вайцюшкевіч, словы Міхась Чарняўскі;
- На дальняй старане: музыка Зміцер Вайцюшкевіч, словы Уладзімір Някляеў;
- Паланэз: музыка Міхал Клеафас Агінскі, словы Сяржук Сокалаў-Воюш, апрацоўка для хору Галіна Казіміроўская;
- Вераніка: музыка Ігар Лучанок, словы Максім Багдановіч;
- Магутны Божа: музыка Мікола Равенскі, словы Наталля Арсеннева.
0
0
0
0
0
0
