Дзярждэп таксама «мае новыя дадзеныя аб тым, што Расія збіраецца перадаць [сепаратыстам] больш магутныя рэактыўныя сістэмы залпавага агню», дадала Харф.
У Вашынгтоне лічаць, што пасля крушэння пасажырскага «Боінга» пад Данецкам 17 ліпеня пастаўкі ўзбраенняў сепаратыстам з Расіі праз мяжу не спыніліся.
Па словах Мары Харф, інфармацыя пра артабстрэл з тэрыторыі Расіі грунтуецца на «дадзеных агентурнай разведкі».
Харф адмовілася ад больш падрабязных каментароў, каб, паводле яе словаў, «не скампраметаваць крыніцы і метады збору інфармацыі».
Амерыканскія ўлады лічаць, што і «Боінг» Malaysia Airlines быў збіты прарасійскімі сепаратыстамі з зенітна-ракетнага комплексу «Бук», хутчэй за ўсё, па памылцы.
Масква пакуль ніяк не адрэагавала на апошнюю заяву Дзярждэпартамента.