Расійскія войскі штурмавалі ўкраінскую вайсковую частку ў Бельбеку пасля таго, як украінскія салдаты адмовіліся пакінуць тэрыторыю базы.
Пра гэта паведаміў кіраўнік крымскага медыяцэнтра Міністэрства абароны Украіны Уладзіслаў Селязнёў у сваім Facebook.
«17.00 штурм Бельбека. Падчас штурму на тэрыторыю вайсковай часткі прарваліся прадстаўнікі самаабароны Крыму. Вароты ў частку праломленыя з дапамогай БТРа. Крыніцы сцвярджаюць, што падчас штурму былі чутныя стрэлы, у штурме задзейнічана не менш за 6 адзінак БТР-80. Дадзеныя аб пацярпелых правяраюцца», — гаворыцца ў паведамленні.
Украінскія ваенныя былі вымушаныя пакінуць тэрыторыю часткі.
Як паведамлялася, расійская армія вылучыла украінскім вайскоўцам ў Бельбеку ўльтыматум: здацца ці будзе штурм.
