У Санкт-Пецярбургу на 75-м годзе жыцця памёр кінарэжысёр, сцэнарыст, акцёр і прадзюсер Аляксей Герман-старэйшы.
«Сёння памёр мой бацька. Памёр, не прыходзячы ў прытомнасць, у Ваенна-медыцынскай акадэміі ў Пецярбургу. Дактары зрабілі ўсё магчымае і немагчымае, каб выратаваць бацьку», — напісаў у сваім блогу на «Эхо Москвы» яго сын Аляксей Герман-малодшы.
Герман-старэйшы быў шпіталізаваны ў лістападзе пасля падзення. У канцы снежня яму правялі аперацыю па выдаленні ўнутрычарапных гематомаў галавы. Пасля гэтага ён захварэў запаленнем лёгкіх.
Аляксей Герман — аўтар шматлікіх класічных карцін, такіх як «Праверка на дарогах» (1971–85), «Дваццаць дзён без вайны» (1976), «Мой сябар Іван Лапшын» (1984), «Хрусталёў, машыну!» (1998).
Бі-Бі-Сі
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ