Пад Маладзечнам выяўлены найбуйнейшы ў краіне аптовы прадавец самагону + фоты 21

Тэрыторыя завода агароджана высокім плотам, ахоўвалася сабакамі.

Тэрыторыя завода агароджана высокім плотам, ахоўвалася сабакамі.

На тэрыторыі міні-завода знойдзена больш за 6 тысяч літраў сурагату

На дэмантажы і знішчэнні апарата, вага якога складае некалькі тон, працуе спецыяльная тэхніка.

Вечарам 19 лютага ў вёсцы Скавародкі Маладзечанскага раёна супрацоўнікі міліцыі Мінскай вобласці сумесна з байцамі АМАПа УУС Мінаблвыканкама ліквідавалі найбуйнейшую з выяўленых на сёння ў краіне вытворчасць самагону.

Як паведамілі ва ўпраўленні аховы правапарадку і прафілактыкі УУС Мінаблвыканкама, міні-завод па вытворчасці алкаголю размяшчаўся ў спецыяльна пабудаваным вытворчым памяшканні з усімі неабходнымі камунікацыямі. Працэс вырабу спіртнога быў аўтаматызаваны.

Тэрыторыя завода агароджана высокім плотам, ахоўвалася сабакамі.

Мясцовы жыхар прыцягваў для вытворчасці самагону найманых работнікаў. Яго затрымалі.

На тэрыторыі міні-завода знайшлі больш за 6 тысяч літраў сурагату, а таксама больш за 30 тысяч літраў адкідаў самагонаварэння. На дэмантажы і знішчэнні апарата, вага якога складае некалькі тон, працуе спецыяльная тэхніка.

kraj.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ