У Беларусі няма аб’ектыўнай неабходнасці для дэвальвацыі нацыянальнай валюты, аб гэтым Аляксандр Лукашэнка заявіў сёння на сустрэчы са студэнтамі і выкладчыкамі БДУІРа.
«У нас няма ніякай аб’ектыўнай неабходнасці сёння дэвальваваць нацыянальную валюту», — сказаў ён. «Гэта ідзе нагнятанне абстаноўкі, і вы ведаеце, хто гэта робіць».
Лукашэнка адзначыў, што ў Беларусі штучна курс не стрымліваецца. «Як я абяцаў, на працягу гэтага года ў нас рынкавы курс. Ёсць вялікі попыт — даражэй валюта, няма попыту — Нацбанк скупляе валюту», — сказаў ён.
Лукашэнка расказаў, што ўчора старшыня Нацбанка Надзея Ермакова дакладвала яму пра сітуацыю на валютным рынку краіны.У прыватнасці, вельмі добрая сітуацыя складваецца на біржы, суб’екты гаспадарання прадаюць больш валюты, чым купляюць.
З насельніцтвам пакуль сітуацыя крыху іншая. «Насельніцтва і прадае, і купляе. Але крыху больш купляе», — сказаў ён.На яго думку, сітуацыя пасля Новага года некалькі зменіцца, і насельніцтва зноў панясе здаваць валюту.
«У нас чутак шмат, і яны самі сабе супярэчаць: то канец свету, то даляры скупляюць — навошта на тым свеце даляры?» — сказаў Лукашэнка.
«З 1 студзеня ніякай дэвальвацыі нацыянальнай валюты мы не плануем», — падкрэсліў Лукашэнка.
«І нават калі б давялося выдаткаваць $ 1 млрд. на падтрыманне курсу, мы б патрацілі, — сказаў ён.— Мы назапасілі дастаткова валюты для таго, каб падтрымаць курс». Лукашэнка адзначыў, што золатавалютныя рэзервы Беларусі сёння складаюць больш за $8 млрд.: «Ніколі ў гісторыі такога не было. Мы золата наогул не прадавалі».
Але хочуць людзі купіць — купляйце. Валюты сёння хапае», — сказаў ён.«Таму не трэба скупляць сёння валюту, бо прыйдзецца пасля Новага года прадаваць.
0
0
0
0
0
0
