17 studzienia ŭ sietcy źjavilisia fota i videa čatyroch mužčyn, jakija ŭźnimajucca paśla vybuchu sa stancyi mietro «Kastryčnickaja» z boku Doma aficeraŭ z vajennaj padryŭnoj mašynkaj, katuškaj sapiornaha kabiela i vialikaj ciažkaj sumkaj, napoŭnienaj nieviadomymi vuhłavatymi pradmietami. Miarkujučy pa vykładzienych u internecie kadrach, jany byli źniatyja karespandentam infarmacyjnaha ahienctva BiełTA. Čas zdymki nieviadomy, heta značyć, niemahčyma daviedacca, praz kolki chvilin paśla vybuchu hetyja «ludzi ŭ cyvilnym» vychodzili navierch. Razam z tym viadoma, što jany ŭźnimalisia pa prystupkach pierachodu kala Doma aficeraŭ pierad vačami dziasiatkaŭ minčukoŭ, jakija sabralisia ŭ rajonie stancyi mietro «Kastryčnickaja».
Śpiecyjalisty miarkujuć, što nieviadomyja «ludzi ŭ cyvilnym» — heta pradstaŭniki adnoj z pravaachoŭnych struktur, jakija zajmajucca pošukam druhoha vybuchovaha prystasavańnia na «Kastryčnickaj».Pra toje, što ŭ siłavikoŭ nibyta była infarmacyja ab mahčymym druhim vybuchu, kazaŭ na
Vybuchovyja techniki prytrymlivajucca praviła, zhodna ź jakim zarad nieabchodna źniščyć na miescy, kali jon nie padlahaje raźminiravańniu.Dla hetaha, jak miarkujuć śpiecyjalisty, i było patrebna abstalavańnie, sfatahrafavanaje na fota i videa.