Milicyjanty dziažurać kala padjezda doma, dzie žyvie dačka pravaabaroncy.
Fota Radyjo Svaboda
Jak paviedamiŭ «Našaj Nivie» pravaabaronca i žurnalist Valer Ščukin, u kvateru jaho dački, što na vulicy Sierdziča, siońnia ranicaj, 19 krasavika, sprabavali patrapić supracoŭniki milicyi. Pa słovach Ščukina, u kvatery znachodziacca hości, jakija adznačajuć dzień naradžeńnia. Milicyjanty spačatku zapatrabavali dakumienty prysutnych. Paśla pierapisu dakumientaŭ Ščukin pravioŭ adnaho ź milicyjantaŭ pa pakojach, kab zapeŭnić jaho, što bolš nikoha ŭ kvatery niama. Ale milicyjanty źjavilisia iznoŭ i zajavili, što buduć šukać zbroju. Pravaabaronca nie puściŭ ich u žytło, matyvavaŭšy heta tym, što dla pieratrusu nieabchodnyja adpaviednyja dakumienty. Ciapier supracoŭniki milicyi dziažurać kala padjezda. Jany pasprabavali zatrymać adnaho z haściej Ščukina — viciebskaha žurnalista Aleha Barščeŭskaha.
***
Paźniej u Frunzienski RUUS byli dastaŭlenyja, aproč Valera Ščukina, Pavieł Levinaŭ, Volha Karač i Aleh Barščeŭski.
