Skažu ščyra: ja atrymlivaju zadavalnieńnie ad vystupaŭ kandydataŭ u prezidenty. Praktyčna ŭsich.
Ja radaja, što jany mohuć kazać pa BT praŭdu, pra jakuju z abodvuch bakoŭ ekrana ŭžo ŭsie zabylisia. Ja apładziruju advazie našych kandydataŭ i ščyraj reakcyi ludziej na ich vystupy.
Adzinaja katehoryja vybarščykaŭ, jakaja vyklikaje ŭ mianie poŭnaje nierazumieńnie, — heta našy šmatlikija palitołahi, sacyjołahi, analityki. Karaciej, tyja, kaho nazyvajuć prostym słovam «ekśpierty».Jany, padobna, sutkami, nie pieraryvajučysia, z surjoznym vyhladam siadziać i šmatsłoŭna razvažajuć pra toje, jak adabjecca na ŭsprymańni hledačoŭ koler halštuka kandydata Iks padčas vystupu, jak źmienić vyniki vybaraŭ pierachod kandydata Ihrek ź biełaruskaj movy na rasijskuju, jak paŭpłyvaje na metavuju aŭdytoryju žestykulacyja kandydata Zet. Vy heta surjozna, chłopcy?
Pra jaki ŭpłyŭ na vybarščykaŭ možna kazać, kali vybarčaj kampanii jak takoj nie isnuje? Jak možna surjozna abmiarkoŭvać niedachopy prahram abo vystupaŭ i dzialić «metavyja aŭdytoryi», kali vystupy pieraśledujuć adnu metu — skazać praŭdu i paklikać ludziej na płošču? Jak možna sprabavać abmiarkoŭvać rejtynhi, kali niezaležnaj sacyjałohii ŭ Biełarusi niama?
U mianie daŭno ŭźnikła pačućcio, što my žyviem u roznych krainach. My žyviem u Biełarusi — z usimi nastupstvami. Jany žyvuć u niejkaj inšaj, spakojnaj jeŭrapiejskaj krainie, dzie prachodziać sumlennyja vybary, dzie dziejničaje svabodnaja kankurencyja, dzie kandydaty ŭ prezidenty majuć narmalny dostup da ŚMI, dzie hetych samych ŚMI naohuł nieźličonaje mnostva, i možna vybrać luby, dzie vybarščyki volnyja ŭ svaim vybary, i nichto ich nie honić na daterminovaje hałasavańnie, dzie va ŭsich palitykaŭ jość roŭnyja mahčymaści źviartacca da vybarščykaŭ nie tolki dva razy pierad vybarami, ale i ŭsie «mižvybarnyja» hady, dzie možna zapuskać u efir svaje roliki i surjozna vybirać koler halštuka, afarmleńnie studyi i vypuskać u efir davieranych asobaŭ.
O, u jakoj ža cudoŭnaj krainie jany žyvuć! Viečarami ładziacca jamčej u miakkich kresłach i zajmajucca lubimaj spravaj — abmiarkoŭvajuć metavuju aŭdytoryju, dyskursy,Analityki nie turbujucca, bo vybarčyja kamisii skažuć im čystuju praŭdu pra vyniki hałasavańnia. U ich niama patreby vychodzić na vulicu i sutykacca z realnym žyćciom — usie naviny pra chod kampanii jany mohuć daviedacca pa televizary. Škada, što hetaja vydatnaja kraina tak dalokaja ad Biełarusi.fokus-hrupy i prahnazujuć, kolki adsotkaŭ nabiare toj ci inšy kandydat.
Ja pamiataju, jak palitołah Valer Karbalevič u vieraśni pytaŭsia ŭ mianie: «Nu niaŭžo ty vieryš, što Sańnikaŭ źbiare sto tysiač podpisaŭ? Viadoma, nie źbiare!» Zrazumieła, kali palitołah hety žyvie ŭ inšaj krainie i sočyć za palityčnaj situacyi pa televizary, to jon i nie moh viedać, kolki podpisaŭ źbiaruć Sańnikaŭ i inšyja, tamu što na BT ich imiony byli pad zabaronaj. Tak što jak možna jaho paprakać u niaviedańni?
Ale kali b ekśpiert choć časam vychodziŭ za miežy ŭtulnaha kabinieta ŭ narmalnaje žyćcio, to viedaŭ by, što ludzi hatovyja nie tolki stavić podpisy i hałasavać, ale i na płošču iści — nie dziela Sańnikava ciŹ inšaha boku, pamiataju, jak dacent Buhrova pierad vybarami 2006 hoda, vypadkova apynuŭšysia ŭ sapraŭdnaj Biełarusi padčas zapisu intervju Alaksandra Milinkieviča, ščyra raiła jamu niešta z nahody halštuka, darma što nie kaściumier i nie stylist. Zatoje było jasna, što čałavieku stała cikava paŭdzielničać u žyćci, a nie pahladzieć na jaho pa televizary. Moža, usio ž maje sens časam vychodzić z ułasnaha ekśpiertnaha kokana i prosta žyć u Biełarusi? .kaho-niebudź inšaha, a dziela siabie i ŭłasnaj budučyni.
Ujaŭlaju sabie, jak usie jany buduć z razumnym vyhladam abmiarkoŭvać viečaram 19 śniežnia,
ci pasuje šalik kandydata Iks da zimovaj formy AMAPu, jakija šancy u kandydata Ihrek pierakryčać milicejski miehafon — z pryciahnieńniem vynikaŭ apošnich sacyjałahičnych daśledavańniaŭ, — i, narešcie, ci paŭpłyvaje niehatyŭna na metavuju aŭdytoryju kandydata Zet kukiš, jaki jon prademanstravaŭ padčas vystupu na płoščy.I znoŭ usio heta budzie tak daloka ad žyćcia i ad iściny, što chočacca zaprasić ich usich na płošču. Tavaryšy vučonyja, pryjazdžajcie sa svajoj ščasnaj bieznazoŭnaj krainy ŭ našu niaščasnuju Biełaruś! Prychodźcie na płošču i dałučajciesia da tych, chto tut žyvie. Abiacaju, heta budzie našmat cikaviej, čym siadzieć u kabinietach i skroź toŭstaje zamierzłaje škło sprabavać razhledzieć žyćcio.
