Płan B: biez Łukašenki 10

Miadźviedzieŭ i Nazarbajeŭ abmierkavali pa telefonie płan B. Pavodle pres-słužby Kramla, havorka išła pra «mahčymaść supolnych dziejańniaŭ dźviuch krain dziela najchutčejšaha vyrašeńnia ŭsich pytańniaŭ farmavańnia Mytnaha źviazu».

Pravał pieramoŭ troch premjeraŭ 21 traŭnia ŭ Pieciarburhu, što de-faktapryznaŭ Pucin, zmušaje Maskvu raspracoŭvać varyjanty vyratavańnia svajho prajekta, jaki ŭ atačeńni Miadźviedzieva biez ekivokaŭ nazyvajuć hieapalityčnym. Kali ź Minskam zvaryć kašu nie pašencić, to nie vyklučana i «dvojka».

Zrešty, pakul što

pakazalnyja kantakty z Astanoj vyhladajuć najpierš psichałahičnym ciskam na Łukašenku,

jaki ad pačatku svajho prezidenctva žorstka supierničaŭ z Nazarbajevym na intehracyjnym poli. Hladzi, maŭlaŭ, kab zaraz nie zastacca z nosam!

Biełaruskaje ž kiraŭnictva prasiekła, što tannych enierhanośbitaŭ pad novaj šyldaj nie pabačyć jak svaich vušej, ale razam z tym dobra zasvoiła rasijskaje vysłoŭje «S paršivoj ovcy choť šiersti kłok». A raptam pad markaj Mytnaha źviazu choć niejkija krychi jašče pašencić uvarvać?

Uvohule ž,

moža paŭtarycca ŭ redukavanym vyhladzie siužet «sajuznaha budaŭnictva»,

kali prajekt de-fakta pachavany ŭžo, ale hučyć iniercyjnaja rytoryka i vyciskajucca niejkija prefierencyi.

Pachavańnie Mytnaha źviazu — heta adčuvalny ŭdar pa ambicyjach Maskvy, ale plus dla cyvilizavanych pierśpiektyŭ Biełarusi.

0

0

0

0

0

0

Alaksandr Kłaskoŭski

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH