Z kanca krasavika na poŭdni Brazilii nie spyniajucca pavodki. Pavodle papiarednich acenak, ad stychii paciarpieli bolš za 350 tysiač čałaviek, jak minimum 107 zahinuła. Supracoŭniki miascovaha telekanała źniali na videa kania, jaki, kab vyratavacca, zalez na dach adnaho z zatoplenych damoŭ. Tam jon pravioŭ niekalki dzion, pakul nie prybyli ratavalniki.
Žyviolina, jakaja atrymała ŭ sacsietkach mianušku Karamieła, bałansavała na dvuch vuzkich pałosach ślizkaha aśbiestu ŭ Kanoasie, horadzie ŭ staličnym rehijonie Portu-Alehry, jaki źjaŭlajecca adnym z najbolš paciarpiełych rajonaŭ štata, paviedamiła brytanskaja hazieta The Guardian.
U vyniku ŭsio zaviaršyłasia chepi-endam: žyviolinie ŭviali siedatyŭnyja preparaty, pahruzili na płyt i pieravieźli ŭ biaśpiečnaje miesca. U apieracyi byli zadziejničanyja čatyry nadzimanyja łodki i čatyry dapamožnyja sudny z pažarnikami, sałdatami i inšymi dobraachvotnikami.