Krymski most. Fota: AP Photo
Spadarožnikavyja zdymki, jakija praanalizavała i pieradało vydańniu najbujniejšaje ŭkrainskaje pryvatnaje raźviedvalnaje ahienctva Molfar, pakazali, što
apošnija try miesiacy pa moście nie chodziać vajskovyja hruzavyja čyhunačnyja sastavy. Z 29 lutaha byŭ zaŭvažany tolki adzin rasijski hruzavy ciahnik z 55 vahonami z palivam.
Adznačajecca, što Maskva značna skaraciła vykarystańnie Krymskaha mosta paśla ataki na jaho 17 červienia 2023 hoda. Tady ŭkrainskija marskija drony zmahli paškodzić častku pałatna, dva čałavieki zahinuli.
Sa słoŭ hienieralnaha dyrektara Molfar Arcioma Starasieka, rašeńnie rasijskich uładaŭ spynić vykarystańnie mosta supała z rezkim rostam hruzavych pieravozak praz Tamań u Rastoŭskaj vobłaści.
Pavodle jahonych słoŭ, Rasija pačała prakładać novyja čyhunačnyja vietki na akupavanych terytoryjach, a mienavita ŭ Mielitopali, Biardziansku i Maryupali, kab źviazać Krym z Rasijaj suchaputnym šlacham.
Novaja čyhunačnaja linija, jakaja prachodzić ad Mielitopala da Biardzianska i Maryupala, a zatym da Rastova-na-Donie, vierahodna, budzie vykarystoŭvacca rasijskimi vojskami dla novaha nastupleńnia, jakoje, jak mnohija čakajuć, pačniecca hetym letam, udakładniaje vydańnie.
Čytajcie taksama:
Stała viadoma, jak padarvali Krymski most u kastryčniku 2022 hoda
Zialenski paabiacaŭ razburyć Krymski most padčas novaha kontrnastupu
