Pa słovach kiraŭnika samarskaha adździaleńnia arhanizacyi «Aficery Rasii» Artura Malivančuka, Miaśnikoŭ słužyŭ u Hienštabie i ŭ 3-j asobnaj bryhadzie śpiecyjalnaha pryznačeńnia. Heta armiejski śpiecnaz, jaki bazujecca ŭ Taljaci, jon adnosicca da rasijskaj vajennaj raźviedki.
Padraździaleńnie ŭdzielničaje ŭ vajnie va Ukrainie jak minimum z 2015 hoda. Z pasady vynikaje, što śpiecnaz HRU — apošniaje miesca słužby pałkoŭnika, piša Radyjo Svaboda.
Zabity vajavaŭ va Ukrainie jak minimum apošnija dva hady, paviedamiŭ Malivančuk, akramia taho, jon udzielničaŭ u rasijskich apieracyjach u Kosavie i Tadžykistanie.
Pavodle apošnich źviestak, achviarami napadu na «Krokus Sici Choł» stali 143 čałavieki. U Rasii zaviedziena kryminalnaja sprava ab terakcie. Pa abvinavačańni ŭ padrychtoŭcy ataki i jaje vykanańni aryštavany vosiem čałaviek.
Miaśnikoŭ značyŭsia ŭ składzienym MNS Rasii śpisie paranienych u vyniku napadzieńnia na «Krokus».
Čytajcie taksama:
Na troch z čatyroch avaryjnych leśvicach «Krokusa» padčas terakta dźviery byli zamknionyja
Piaskova spytali, čamu Pucin nie pajechaŭ na miesta trahiedyi ŭ «Krokusie»
«Rasija viedała pra padrychtoŭku terakta ŭ Maskvie prynamsi za miesiac da jaho» — Kiryła Budanaŭ
