Haračy dzień u «Drazdach». 16 žniŭnia 2015 hoda.
Alaksandr Łukašenka ŭ niadzielu pracavaŭ na terytoryi aficyjnaj rezidencyi «Drazdy», źbirajučy ŭradžaj bulby i bachčavych. Pra heta paviedamiła pres-sakratarka kiraŭnika dziaržavy Natalla Ejsmant.
«Spačatku Alaksandr Łukašenka razam z małodšym synam źbirali bulbu. Z učastkam u 18 sotak spravilisia za paŭtary hadziny. Uradžaj paradavaŭ — 7 dziasiatkaŭ miaškoŭ bulby. U samy bližejšy čas usia sabranaja ŭ hety dzień pradukcyja budzie pieradadzienaja ŭ dziciačyja damy i damy sastarełych.
U niadzielu ŭ prezidenckaj rezidencyi startavała i ŭborka bachčavych — kavunoŭ i dyń. U minułym hodzie prezident na asabistym prykładzie pakazaŭ, što hetyja kultury ŭ Biełarusi možna i treba vyroščvać. Praz hod pad bachčavyja kultury ŭ rezidencyi biełaruskaha lidara adviali płošču ŭtraja bolšuju. Pieršy sarvany kavun pradehustavali prosta ŭ poli. I jon pakazaŭ, što ŭradžaj atrymaŭsia», — paviedamiła pres-sakratar kiraŭnika dziaržavy.
Siarod zborščykaŭ uradžaja možna zaŭvažyć tradycyjnych udzielnikaŭ padobnych akcyj — chakiejnaha treniera Michaiła Zacharava, tenisnaha treniera Siarhieja Ciacieryna.
